2000 совгӀа га дӀайогӀа лерхӀ вай мехка 2024-ча шера
Къахььэсте, къоахка, кӀарцхала 2000 совгӀа га дӀайогӀа лерхӀ, республикерча моттигашка укх шера. Мехкадас тӀадилла, баьццараерзае езача моттигашта юкъе лоархӀаме дакъа дӀалоацаш хургда, дешара моттигашкара доазонаш. Из хоам «Сердалога» бир Ӏалама гӀулакхех йолча Министерствос. ГӀажарий-Юртарча, Алхастерча ишколай коашка, «Лорае хьунаш» яха болам хьаллоацаш, 200 га дӀаегӀар.
Эса дӀоахала, Алхасте хьун боахама тӀахьожам лоаттабеча болхлоша дӀаегӀар 100 совгӀа хьеха га. «2019-ча шера денз, «Экологи» яхача къаман проектага гӀолла хьабахьаш, Россе боккха болам ба «Лорае хьунаш». Болама керттера декхар - мехкара хьун моттигаш тоаяр, лораяр. Белгалде деза, вай республике из болам хьаллоацараш хӀара денна дукхагӀа хулаш латтилга», - белгалдир министерстве.
