ЦӀера духьала къовсам лоаттабе Ӏомалуш йола моттиг хилар Магасе
28.05.2024 13:07
ГБОУ «Магас-Шахьара дешара Центро», республикан МЧС болхлоша укх деношка дӀайихьар, дукха нах вӀашагӀкхийттача моттиге цӀи ялара кхерамзле Ӏалашъе Ӏомалуш йола моттиг, яхаш, дийцар «Сердало» газетага ГӀалгӀай Республике гӀолла йолча Россе МЧС ГУ зарбан болх лелабераша.
«Цу тайпара моттигаш дӀаяхьар эшаш да, вахара-лоархӀамеча моттиге, цӀаьхха цӀи йоае а нах кӀалхарбаха а безаш хуле, сиха новкъостал де ха дезар Ӏомадергдолаш, дешара моттига администрацеца, цӀи йоаяра йолча урхаллено сиха бувзам лохаргболаш, царна шоайла болх вӀашагӀболла ховргдолаш», - аьлар МЧС викала.
Цу гӀулакхага Ӏомалуш, дика гуш хилар, цӀи яргйоацаш тӀахьожам лоаттабераш, ишкола дешархой, цар хьехамчаш цу гӀулакхах дика кхеташ хилар.
