Наьна меттацарча безамах дувц берашта, Шолжа-Шахьарерча культуран цӀагӀа
30.07.2025 09:34
«Наьна мотт» яхача, Яражанаькъан Маринас кулгал деча кружоке берашта дувц наьна меттацарча безамах, цунцарча лерхӀамах. Шоай къаман мотт цӀена, шаьра бувца Ӏомаду укхаза бераш. Укх деношка цига дӀайихьар кицаш дувцаш йола урок.
«Багахбувцама афоризмай оагӀув лоархӀаш да кицаш, хӀаьта вай къаман юкъе даьржа Ӏалаьмате дукха кицаш да.
КӀоарга маӀан долча цар къаман селханара вахар, вахаре леладаь тайп-тайпара гӀулакхаш довзийт вайна. Вай даьша кицашца къаьстта лерхӀам лелабаьб. Хийла, цхьа хӀама оалаш хилча хоз-кх вайна, «вай даьша оалаш хиннад…» яхар.
Из хьалха аьле, дӀахохьу къамаьл. Багахбувцама юкъе ший къаьстта моттиг йолаш да къаман юкъе даьржа дола кицаш»,- дийцар «Сердалога» кхетаче хиннараша.
