2025-гӏа шу чакхдоалаш, болх бе йолалургья «Шолже» яха ахархой комбинат
17.11.2025 11:29
Ший балха тӏа дикка толам боаккхаш, къахьегаш ба «Шолже» яха, юххьанца 10 гектарах лаьттача, 5 эзар совгӏа тонн помидораш шера хьалкхееш хинна боахам.
Юртбоахама гӏулакхех йолча министерстве белгалдечох, 12 гектарага кхоачаш дӏашерделар цигара доазув, таханарча дийнахьа 22 гектарага кхоачаш. Карарча хана 15 эзар тонн даараш шера хьалуш я из моттиг.
Белгалде деза, цар болх боаггӏача боараме дӏабахара тӏехьа «Тихая» яха подстанци лоархӏаме моттиг дӏалоацаш йолга.
«Хаьсашта эшаш йола йӏовхал, хий тохар, сердал, фо лоаттадар цунга гӏолла да», - аьлар цигарча болхлоша. Шера 20 тонн беркат кхедергдолаш къахьегаш ба уж тахан.
