Вежарий-Юртарча Братски оалача урам тӀа асфальт Ӏобиллар
22.07.2025 16:52
МагӀалбика кхале чуйоагӀаш йолча Вежарий- Юртарча Братски оалача урам тӀа 560 метрага кхоачаш асфальт Ӏобиллар. Иштта цунца цхьана меттадоаладир Сийлахь- боккхача Даьймехка тӀема оттадаьча сийленга гонахьара доазув а.
Белгалде деза, уж балхаш бахархоша дехар даь, юртарча администраце ший низаца дӀадихьалга.
«Наьха хьашташ теркалдеш, цар дехараш кхоачашде хьожаш, хила деза вай. Бахархошца бувзам лелабаро эггара хьалхарча оагӀонца тоае еза моттигаш малагӀаш я хьагойт», - аьлар кхален кулгал деча Къоастой Ӏаддал-Хьамида.
