Гӏалгӏайчен кхадж тосса шоллагӏа ди дӏадоладелар
Гӏалгӏай мехка лаьрххӏа дӏадоладелар кхадж тосса шоллагӏа ди, из дӏахьош республикан бахархоша хорж Российски Федераце Паччахьалкхен Думан, республикан Халкъа Гуллама депутаташ. Тахан нийсса 8:00 сахьат даьлча, республике шоай наӏараш хьайийллар 142 хоржама моттиго. Хоржама комиссе ший болх дӏаболабир.
Хоржамаш дӏахьоргда 20:00 сахьат даллалца, цул тӏехьагӏа комиссе доакъашхой болалургба уж лорадара бюллетенаш дӏакъовла.
Хӏанзара хоржамаш дӏахьош да кхаь дийнахьа. Из лаьрхӏад наха йолча паргӏатонна, бахархой кхерамзлен хьалашка кхадж тасса кхоабергболаш.
Тӏахьожама болх дӏахьораш белгалду, хьалхарча кхадж тоссача дийнахьа нах дукха хилар. Шоай бахархой декхар кхоачашдир 258 645 сагах 85 737 хоржамхочо, из я 33,04%.
Хоржамий моттигашка еррига бокъонаш лораю, из хьал къаьгга хургдолаш видео тӏахьожам а ба.
Паччахьалкхен Думан, республикан Парламента хоржамаш лоархӏаме да дӏахо Гӏалгӏайче вахара-экономически оагӏорахьара дегӏайоалаяра, цудухьа моттигерча ӏаьдало, юкъарлон болхлоша республикан бахархой тӏахьех граждански оагӏув хьаллоацаш хилара, цунца республикан хургдар белгалдара.
