Шолжерча дарбанче, могашал йоацача берашта, царгий кабинет хьайийллай
Шолжа кхален дарбанче болх бе йолаеннай могашал яйнача берашта лаьрхӀа йола царгий кабинет, яхаш, дийцар «Сердало» газетага ГӏалгӀай Республикан унахцӀенон Министерствос.
Хьалхарча 20 беро шоай царгаш укхаза тоаяьй. Царгаш тоае езарах бераш а цхьайолча хана боккхийбараш а унзарбоахаш хинна хьалаш хӀанз дӀадаьннад, укх кабинете из хьал тешшаме аттача даьккхад. Бер шорттига маха а техе тхьовсаду, из тхьайса уллача юкъа лоро ший болх хьабу.
«Берий царгий кабинет эшаш болча гӀирсаца дика Ӏалашъяь я. Берашта тохаш бола маха цун могашала Ӏаткъаш бац. Кабинете из бер сомадоаккхаш йола моттиг а я.
Хьалха, маха теха бер тхьовса а даь, из болх беш хилча, дукха ахча дала дезаш хулар. Хӏанз из мах боацаш ду, ОМС полиса гӀонца, - аьлар унахцӀено лораераша.
