Цхьан дийнахьа итт моттиге цӀераш яьлар вай мехка
28.07.2025 12:14
Йокъаенна баьцаш летаяро дӀа-хьа йоаржаяь итт моттигера цӀераш йоае арабаьлар селхан МЧС болхлой. Царна юкъера диъ хатар Наьсарен кхален моттигашка хилар. «Сердалога» из хоам МЧС болхлоша бир. Диъ хатара юкъера ши хатар Эккажкъонгий-Юрта хилар, шиъ - ГӀаьзе-Коа.
200 гектар доазув дӀалаьца хинна хатар «Кавказ» ФАД оагӀонца нийсделар. Массайолча моттигашкара цӀераш нувхаши, кхорзаенна баьцаши лотаярах яьлар. СалоӀача деношка лостам бе этта, цӀераш еттараша уйла е еза, иштта долча хӀамах фу хила йиш я.
Боккъал а дӀахаза МЧС даггара деш дола кхайкарал! Ӏимецача, геттара лакха йӀовхал латтача деношка; ма йоагае баьцаш, нувхаш. КӀеззига уйла еш хила оашош леладечун! Ма доаржаде мехка хатараш!
