СВО ветерана ший гӏулакх хьаделларгда паччахьалкхен новкъосталца
Гӏалгӏайчера СВО ветеран Йовлой Ӏумар тӏем тӏа йоккха чов хинна ва. Бакъда тӏем тӏара цӏавеначул тӏехьагӏа, заӏапхо вале а, цо ший гӏулакх хьаделла лаьрхӏар. Из дӏадоладеш цунна новкъостал дир «Даьхен лорабой» ганза филиале.Вахара дешашца бувзабенна болх лелабечо Ӏумар хьал а лоацаш, цо кийчйир соцконтракт. Лоацца аьлча, ветеранашта балха отта, бизнес хьаелла новкъостал дар-республикерча ганза керттера декхар да.
«Ганза вахарца бувзабенна болх лелабеча Гӏаппархой Мухьмад-Баширага гӏолла, ветерана таро хилар ший бизнес дӏайолаяра паччахьалкхенгара ахча эца.
Вахача моттиге новкъостал лоаттадара чудоагӏаш, вахарца бувзабенна болх лелабечо «Са бизнес» яхача моттигерча центраца боахамашта юкъера бувзам тоабир. Говзанчаша кийчйир ветерана таронашка хьежжа бизнес-план. Иштта Йовлой Ӏумар хьожавир бизнес лелаяра гӏулакх ӏомаде. Цул тӏехьагӏа ветерана сертификат хьаделар», - аьлар «Сердало» газетага «Даьхен лорабой» ганза республикерча даькъ тӏа.
Йовлой ӏумара проект конкурсах дика чакхъяьлар, цун дехар чӏоагӏдир, цхьа барт болаш. Цу тайпара, ший доалахьара хӏама хьаделла паччахьалкхено цунна ахчанца новкъостал дир. Цу ахчах гӏирсаш, эшаш бола кхоачам ийца, ший доалахьара хӏама дӏадоаладе йиш йолаш ва заӏапхо вола ветеран.
