СВО ветеранашта дегӏа могашал меттаоттае гӏо ду мехка
«Даьхен лорабой» яхача ганза мехкарча филиале къахьег тӏема аренашкара цӏабаьхкачар могашал меттаоттаеш, оагӏув хьаллоацаш, таханарча вахаре шоай моттиг хьалаьца дӏабаха царна аттагӏа хургдолаш. Новкъостал эшаш венача СВО ветерана Горчхананаькъан Салихана гӏо деш, цунца болх дӏахьош хилар, ганзе психолог йолаш къахьега Буружанаькъан Мадина.
«Тӏема аренашка хинна цӏабаьхкача бӏухошца нийслуш хӏама да цига хиннача хьало дега ӏоткъам бар, бийсан наб ца кхеташ, паргӏатта таханарча вахарца дӏанийсвала, ший гӏулакхаш дӏаходахьа хала хилар. Гӏо эшаш тӏавенача бӏухочунца болх дӏахьош, цун дега хьал меттадоаладе хьожаш, къахьегаш хилар психолог.
Белгалде деза, иштта оагӏув хьаллацар тӏема аренашка лийннача наха лоархӏаме, геттара эшаш долга», - йоах «Сердалога» ганзера кхаьчача хоамо.
Психолог йолча Буружанаькъан Мадинас белгалдечох, тӏема операцена юкъе дакъа лоацаш хиннача хӏара бӏухочун эш иштта оагӏув хьаллацар, дог тедар. Цунга хьежжа, тахан ганза массайолча филиалашца бувзам лоаттабеш, цу наьха хьал аттачахьа даккхара тӏехьа болх лоаттабеш ба психологаш.
