СВО доакъашхочунна ший хӏама хьаделла гӏо дир вай мехка
15.07.2026 12:44
Вахара оагӏонцарча контрактах болх дӏабахьа ловш болча СВО доакъашхошта гӏо деш ба, «Даьхен лорабой» яхача ганза мехкарча филиала болхлой. Бакашевгӏар ӏусмана гӏулакхага хьожаш хилар уж укх наькъа. Субсиди хьадоладалийтара тӏехьа новкъостал де шийна, аьнна, вера из цига.
«2025-ча шера бекарга бетта ЧВК «Редут» яхача оагӏонца чӏоагӏо оттайир из. 2025-ча шера ардара бетта цӏенах кхийтар из, массехк тайпара белгалваь волаш. Машиний куц тоадеш, цӏенъеш, басар тохаш бола болх дӏаболабе безам болаш ва из», - дийцар «Сердалога» ганза филиале.
Ганза болхло йолча Беканаькъан Фатимас гӏо дир бӏухочунна эшаш мел дола каьхаташ гулде. Цу гӏулакхах йолча кхело ветерана дехар дӏатӏаийцар, ши кӏира даьлча хьаэцаргда цо шийна доагӏаш дола ахча.
