СВО ветерана новкъостал дир, лаьрххӏа бола гӏирс ийца
«Даьхен Лорабой» ганзо дӏахо а СВО човнаш хинна ветеранаш хьаллоацаш, уж хьалха шоай хиннача вахарга боахаш, царца болх дӏахьу Гӏалгӏай мехка. Филиала болхлоша вахарга балара дола хаттараш ца хадаш кхоачашду. Укх деношка, ганза программа чудоагӏаш, тӏема ветерана Овшанаькъан Алисхана лаьрххӏа бола тӏабувхабу гӏирс белар.
«2022 шера, СВО тӏема декхараш кхоачашдеш, Алисхана мина ийккха баламах чов хилар, из бахьан долаш цун аьтта кулг болх беш дац. Из цӏавера 2023 шера, хӏанз могашал меттаоттаеш ва. «Даьхен лорабой» ганза филиала цунна белар хаоттамга хьежжа тӏабувхабу лаьрххӏа гӏирс, из цун дегӏага хьежжа тийга ба. Цул совгӏа, из барзкъа лаьрххӏа технологе оагӏонаш юкъейоахаш тийгад, леладеш хала хургдоацаш, атта дӏадехкалуш. Цо таро лу хало е ца езаш, из барзкъа тӏадувха, нагахьа санна протеза-ортопедически гӏирс дегӏаца лелабеш вале, ветерана ха а, низ а боабац цо»,- аьлар «Сердало» газетага ганзе.
СВО ветерана лаьрххӏа бола гӏирс хоржаш новкъостал даьр я Борзенаькъан Лейла, из я заӏапхошца вахара дешаех болх лелабеш. СВО чов хинна ветеранаш, цу тайпара барзкъа хьаэцара дехар чудала йиш йолаш ба, яхаш, дийцар цо тхоца къамаьл деш. Цу гӏулакха ваха веза ше вахача моттигера «Даьхен лорабой» ганза филиале.
