СВО йоккха чов хиннача ветерана новкъостал дергда ахча хьаэца
«Даьхен лорабой» ганза гӏалгӏайчен филиала новкъостал дир Лаьрххӏача тӏема операце ветерана Котаганаькъан Анзора, амал деш йоккха чов ярах доагӏаш дола ахча хьаэца, яхаш, дийцар «Сердало» газетага.
«Ганза Наьсарен даькъага дехар дир тӏем тӏара цӏавенача Котаганаькъан Анзора, из 2025 шера тов бетта ший тӏема гӏулакх дита дезаш хилар пхора гарг кхийтта лозаваь а, 2-ча степена доагам хинна а хиларах. Цо дийхар «СОГАЗ» Акционерни юкъарлонгара шийна доагӏаш дола ахча хьадалар. Ганза болхлочо, Беканаькъан Фатимас эшаш мел дола каьхаташ гулдир, цунца хила деза каьхат а яздир, тӏаккха дӏадахьийтар. Хӏанз из гӏулакх кхоачашдаь дала доалл», - аьлар кепайоазонга.
Тхога баьчо яхачох, 2024 шера Котаганаькъан Анзор контракта кулг яздаь, Буденновске амал де волавелар. Тӏема толамаш дахарах Жукова майдилг елар цун.
