Гӏалгӏай мехка меттаоттаеш я культуран тӏехьален 500 моттиг
15.05.2026 15:18
Гӏалгӏайчен лоаман даькъ тӏа дӏахо дӏахьош ба культурни тӏехьален 500 гаргга гӏишло меттаоттаяра болх. Проект кхоачашъеш я Жӏайрахьа кхале, «Сафмар» яхача дика гӏулакхаш леладеча ганзо хьаллоацаш. Таханарча денга кхоачаш, говзанчаша тоадаьд 200 сийленг, царна хьалхара исторически кеп луш. Из хоам «Сердало» газетага бир Гӏалгӏайчен Паччахьалкхено.
Тхога хоам баьчо яхачох, ерригаш а республике гӏолла йиъ эзар культуран тӏехьален моттиг я, цу юкъе къаьнара гӏалгӏай гӏалаш, эрсий элгацаш, маьлхара кашамаш, селингаш долаш.
Уж гӏирсаш тоадар лоархӏаме да мехка. Гӏалгӏайчен культуран-исторически тӏехьале тахан лоархӏаме дакъа да къаман культуран, цун белгало лораяра, иштта туризм дегӏайоалаяра боккха низ а ба.
