Дукха бераш долча наьна бокъонаш меттаоттайир вай мехка
19.02.2026 08:47
Диъ бера нана йола мехкахо леткъар УПЧ. Берий ахча хьадоладалийтар дехаш, цо чуденна каьхаташ нийса дац, аьнна, оттадаьд цига багӏараша. Вахара оагӏон моттига болхлоша цхьан бера цӏи харцахьа оттаяьй, из бахьан долаш каьхаташ дӏаийцадац.
«Сага бокъонех волча викала Россе Вахара ганза болхлошка гӏолла хьатехкар из гӏулакх. Нийсденна гӏалат тоадича, каьхаташка цӏаькха хьожаш болх дӏабихьар СФР болхлоша». - дийцар «Сердалога» УПЧ.
Таханарча дийнахьа цу кхалсага диъе бера ахча хьахьожадаьд 100%-га кхоачаш (хӏара бера доагӏар - 17 269 сом).Сага бокъонех вола викал оарцагӏваьнна, ший гӏулакх тоаде аьттув баьлар дукхача берий нана йолча кхалсага.
