Гӏалгӏай мехка хьун инспектора духьалара гӏулакх хьадийллар
Гӏалгӏай мехка уголовни гӏулакх хьадийллар хьун инспектора духьала, из бехке ву кхаъ эцарах. Тохкама болх дӏахьош ба Россе СК Шолжа кхале гӏолла йолча республикан урхаллен отдела болхлой. Из саг бехкеву кхааш ийдарах (Россе Уголовни Кодекса 3 дакъа 290 статья).
«Тохкамхочо яхачох, 2025 шера, хьун закон лорадара бехктокхаме ше волашехь, цо республикан вахархочунгара шозза кхаъ ийцар юкъелаттача сагага гӏолла 125 000 сом. Из ахча цунна делар, Гӏажарий-Юртарча хьун даькъ тӏара хьу бокъо йоацаш цо яхьийтар бахьан долаш. Хӏанз укх сахьате из лаьца воалл, цунна бехк беш хилар дӏакхайкадаьд. Кхаъ беннача сага духьала хьалхагӏа Россе СК уголовни гӏулакх хьадийлла хиннад РФ УК 3 д. 291 ст. (гӏалакхерча сага кхаъ баларах)», - аьлар «Сердало» газетага Гӏалгӏайчен тохкама комитете.
Хӏанз из гӏулакх тохкаш да дӏахо. Уголовни гӏулакх хьаделлара кӏийле яр, Гӏалгӏайче гӏолла йолча Россе МВД, УФСБ, УЭБиПК хьаяйта хьем боаццаш лахара йола балха материалаш.
