Тика чура ахча лочкъадаьчун духьала ӏаьдало гӏулакх хьадийллар
17.04.2026 10:18
Цӏагӏа увттаю мебель йохкача тика чура ахча лочкъадаьр гучаяьлар ӏаьдала. Цун духьала гӏулакх хьадийллад. «Сердалога» из хоам МВД болхлоша бир.
Дӏадахача шера оагӏой бетта Магӏалбикерча тика чура 140 эзар сом гаргга ахча лочкъадаьча кхалсага духьала РФ УК 1-ча даькъа 159 ст. гӏулакх хьадийллар ӏаьдала болхлоша. Дикка къахьегарах, Россе МВД «Магӏалбик» МО болхлошта гучаяьлар зуламхо. 26 шу даьнна цу шахьарера яхархо цу тика чу болх беш хиннай, аьттув баьннача хана, ахча лочкъадаьд цо», - дийцар МВД.
Ахча уллача яьшка чура цо дихьар 143 499 эзар сом ахча да, лочкъадаь ахча шийна ма тов дехкад цо. Судага гӏолла къоастадергда цун гӏулакх.
