БочабӀараш кхедара гӀулакх тоадеш латт
«Илиев-кхача» яхача оагӀонна кулгалду Иленаькъан Беслан бӀарий беркат доаржадеш ва вай мехка. 30 шера вӀалла теркалъеш йоацаш, тесса иллача бӀарий моттига ший болхлошца доаггӀаш дола доал деш, къахьега лерхӀ цо. Из хоам «Сердалога» бир Мехкадаь зарбан болх лелабераша.
124 гектар лаьтта дӀаденнад бӀарий гаьнашта. 35 тонн совгӀа беркат луш, 3 000 га ягӀа цига. Вай республикан кулгалхочо белгалдечох, таханарча дийнахьа вай мехка доал деш йоацаш, тесса ядаш 550 гектар совгӀа бӀарий бешамаш я.
Шортта кхача луш хургьяр царна юкъера 100 гектар, боаггӀача боараме доал дича.
«Цул совгӀа, 2027-ча шера бӀараш чакхдоахаш йола завод хьаелла лерхӀ мехка. 1 200 тонн бӀараш шера чакхдаха низ хургба кердача завода», - белгалдир вай Мехкадас Келаматанаькъан Махьмуд-Ӏаьлас.
