Лораша лечара ваьккхар, керта титена чӀоагӀа човнаш яь саг
ГӏалгӀайчен вахархо Местой Артур, ворхӀ-бархӀ метр лакхача моттигера чувежавар, керта чӀоагӀа човнаш а еш. Дукха ха яьккхар цо хьа ца кхеташ. Верзаргва аьнна даха дог кӀезига дар цун. Бакъда, цхьа Даьла къахетамах, из дийна висар. Тахан Артур, халла мара ца хуле а, йистхулаш ва. Даим цунна уллув фусам-нана я.
Хьакхеташ воаца унахо кхозза эттIавир. Цун хиннача Муцолганаькъан нейрохирурга яхачох, цун тити кагийча доакъошта йийкъа яр, из кӀезиг-кӀезига гулъеш, хьагулъе йийзар.
Хоам бу, ИРКБ дарба даьчул тӀехьагӀа, Местой Артур Москве а, Шолжа-Гӏалий тӀа а хилар, могашал меттаоттаеш дукха ха йоаккхаш. Иштта дукха вижа алла везаш йола ха цо дӀайихьаяле а, цхьаннахьа цун дегӀаца чов лешаш моттиг яцар.
«Из тха зӀамагӀа болча лорий йижарашта карагӀдаьннар да. Лор-м хьатӀа а вайя, хьежачул тӀехьагӀа, молхаш хьа а язйийя дӀавода, бакъда лорий йижарий даим унахо кӀалтӀавоаккхаш, хIама хьокхаш, цунна эшаш дола хьалаш лоаттадеш хул», - аьлар унахочун лора-реаниматолога.
