Цӏерцарча кхерамзлен хьал геттара чӏоагӏа лорадеш ба мехка
Укх бетта 27-ча дийнахьа денз, цӏерцарча кхерамзлен хьал лорадара тӏехьа болх дӏаболабаьб мехка. 2026-ча шера кӏимарса бетта 28-ча дийнахьа № 375-Р мехкарча Паччахьалкхе цу гӏулакха къоастам беш оттадаьча каьхата кулг яздир Паччахьалкхен хьалха латтача Сластенин Владимира. Таханара йӏовхал цӏераш яржар кхерам болаш йоландаь, фийла хила везаш да гӏулакх. Из хоам «Сердалога» бера МЧС болхлошкара.
Мехкахошка кхайкарал ду; йокъаенна йоархӏаш летаеш, кхаьч-кхаьчача цӏераш етташ, нувхаш йоагаеш дола гӏулакх дита, яхаш! Аренашка, хьунашка цӏи ялар кхерам бола цхьаккха болх дӏабахьа йиш яц, иштта йӏовхал латтача хана.
Хьун боахамашта доал дераш, МЧС болхлой геттара фийла хила безаш хьал да латтар. Цӏи дӏа-хьа яржаргйоацаш, лаьттан доазонашта юкъе гӏолла лаьтта оахаш чакхбоалаш болх ба дӏаболабаьр.
Цӏерцарча кхерамзлен хьал лорадеш боацарашта шозза дукхагӏа гӏод тохаргда! Моллагӏа хьаштдоаца хӏама теркалдаьчо 101, 112 телефон дӏатоха еза.
