Харцача наькъ тӏа баьнна лелача зуламхошта гӏо даьр, бехктокхаме эзар вай мехка
18.08.2026 08:56
Наха юкъе зуламаш доаржадечарна гӏо даьча 42 шу даьннача мехкахочун гӏулакх тохкаш хилар вай мехка. Моттигерча Тохкама Комитета болхлоша дӏабихьар боккха болх ба. РФ УК 5-ча даькъа 33 ст., 2-ча даькъа 208 ст. бехктокхаме озаш ва из саг.
«Тохкама оагӏон болхлоша белгалдечох, 2023-ча шера бекарга бетта республике зуламаш деш лийнна «боевикаш» ший цӏагӏа чубита, царна гӏо деш, ший машинаца уж дӏа-хьа кхувлаш хиннав из. 10 шу суд йир цу сага колоне такха езаш, хӏаьта хьалхара 3 шу набахта яккха езаш ва из», - йоах «Сердалога» бенача хоамо.
Гӏулакх хьадийллар Россе УФСБ, МВД республикерча болхлоша кийчдаьча хӏаман кӏийлен тӏа.
