СВО доакъашхой бокъонаш цахаддаш лораяра тӏехьа къахьегаш ба мехка
СВО доакъашхой бокъонаш лораяра тӏехьа, цхьана болх дӏахьоргболаш чӏоагӏо оттайир сага бокъонех волча викала Цӏечой Ибрахӏима, тӏема доакъашхой дезалий Комитета моттигерча штаба хьалха латтача Эсамарзанаькъан ӏалаудина. Бӏухоша, цар дезалаша эггара дукхагӏа тӏакхухьаш долча хаттарех дийцар цар. Эггара чоалханедараш меттадоаладара тӏехьа цхьана кхоачашде дезараш белгалдир кхетаче.
«Тӏема операце бӏухошкара, цар цӏагӏарча нахагара тӏалаттача лоткъамашка гӏолла деррига тохкаш къахьегар, лоархӏамеча декхарех да. Республикерча КСВО штаба сага бокъонех волча викалга дӏахьежадергда цхьаццадараш. Белгалде деза, ишттача наькъаца цу наьха вахарера кхоачамбоацараш юстардаха аттагӏа хургдолга. Цхьана болх дӏакхахьар пайда беш хургда», - йоах «Сердалога» мехкарча УПЧ бенача хоамо.
Цу балха юкъе да цхьана бахархой тӏаийбу денош дӏакхахьар, шинна моттига юкъе хӏара деннара бувзам хилар, кхоачашде дезараш, иштта кхоачашдаь латтараш белгалдар.
