Нах баха дӏа-юха ахара оагӏон болхло гӏалатваьнна моттиг нийсъелар
02.06.2026 10:06
Наьсарен кхален Россе ОМВД миграцех болча оагӏон 56 шу даьнна болхло гӏалатъяьнна моттиг хоаелар мехкарча Россе УФСБ. Из хоам «Сердалога» бир цу моттигера.
«Дӏабихьача тохкамо гучадаьккхачох, мехкарча 54 шу даьннача вахархочунгара ахча хьаийца, из саг дехар чулуш, паспорт дӏаэцаш ше тӏахиннавоаццашехь, РФ вахархочун паспорт дӏаденнад цо», - йоах тахан тхога кхаьчача хоамо. Мехкарча РФ Тохкама комитета оагӏон болхлоша из бахьан долаш РФ УК 3-ча даькъа 290 ст. гӏулакх хьадийллад цунна духьала (кхаъ эцар). Из гӏулакх дӏахо тохкаш ба ӏаьдала болхлой.
