Бокъо йоацаш теха реклама гучаяьлар
Гӏалгӏай Республике гӏолла йолча антимонопольни гӏулакха Федеральни урхаллено гучаяьккхар, «мах боацаш» декхараш дӏадоах, аьнна, теха харц реклама, яхаш, хоам бу «Сердало» газетага УФАСа зарбан болх лелабераша.
«Из гӏулакх къоастадеш белгалдир, цхьан таьрахьий баннер тӏа: «Дӏадоаде хьай декхар. Хьо бокъо йолаш я (ва) цу из де Федеральни законах-127», - яхача кхайкарало хетийт, цхьаккха хӏама доацаш, тӏера декхар атта дӏадоаде таро йолаш санна. Цу боахама говзанчаша яхачох, из хоам реклама я, физически наха къийвалара гӏулакхашта лелаеш йола, бакъда мехкаа бахархой цо тувлабу»,- йоах хоамо.
Паччахьалкхен болхлоша белгала ма дарра, къийвалара гӏулакх доаггӏача тайпара дlаяздар – из чоалханеча бокъоний никъ ба, из а белггаларча закона хьалашка хьежжа мара деш а дац. Цо шийна тӏехьадоах лоархӏаме юридически, иштта ахчанца дувзаденна хаттараш. Атта декхар дӏадоаккхаш санна хетийташ луш йола реклама харцахьа я, нийса хоам тӏаболаш а яц.
Гӏалгӏайчен УФАСа викалаша хьалхадаьккхар цу тайпара кхоачамбоацараш сиха юстардаха дезилга. Бехке волчун жоп дала дезаргда, законо дӏадеххача беса.
