Гӏалгӏайче гучадаьккхар, «комсий» субсидеш эцаш, доккха зулам даь хилар
07.07.2026 16:28
Гӏалгӏайче гӏолла йолча Россе ФСБ Урхаллен болхлоша гучадаьккхар мехкарча вахархочо даь зулам. Из бехке ву бюджетера дукха ахча лочкъадарах. Тохкамхоша яхачох, зуламхочо лаьрхӏар бюджетера дукха ахча лочкъаде. Цу гӏулакха цо юртбоахама Министерстве харцахьара каьхаташ чуделар; ше комсий кха леладеш ва, аьнна.
«Сердало» газетага Гӏалгӏайче гӏолла йолча Россе УФСБ зарбан болх лелабераша яхачох, тийшача балхах цу боахамера 5 000 000 сом арадаьккхар, из зуламхочун чота тӏа дӏадахьийтар. Цу сага ахчах шийна бакъахьа хетар дир.
Россе МВД доал деча даькъ тӏарча «Малгобекский» яхача отдела тохкамхошв цун духьала уголовни гӏулакх хьадийллар РФ УК 4 д. 159 ст. (доккха зулам дар).
Карарча хана тохкамхой дӏахо из болх дӏахьош ба.
