Гӏалгӏайче гучадаьхар Онкологически диспансера нийсдалийтакхоачамбоацараш
Гӏалгӏайчен УФАСа гучадаьхар Республикан онкологически диспансера материалаш лоаттаяра тӏехьа таьргаш дӏахьош кхоачамбоацараш юкъедита хилар.
Антимонопольни боахама болхлоша яхачох, эшаш йола материалаш лоаттаяра юххьанцара мах 722 эзар сом совгӏа бар. Контракта даькъ тӏара болх дӏахьош цу юкъе кхоачамбоацараш нийсделар, из болх законо дӏадеххача тайпара дӏа ца бахьарах. Хӏама эцачо белгалдир товар лоаттадеш йола моттиг, из малагӏча мехка хьадаьд белгалдаь цахилар. Тӏаьргаш дӏахьош, товар хьаэцаш йолча комиссе лоархӏаме моттигаш дӏа ца лоархӏаш йитай. Цу тайпара, хоама юкъе яц деклараци, иштта товар российски промышленноста хьадаь хиларах хоам.
Цига лоархӏаме дар товар арахецаш бола мохк белгалбар, Россе арахецаш йолча продукце реестра номер цу тӏа хилар, товар арахецаш дола сертификат хилар. Тӏаьргий кхело терко ца еш йисай, цхьацца болча доакъашхоша уж хьалаш лорадаь цахиларах.
Цу тайпара, тӏаьрга кхело бокъонах нийса леладаьдац къаман боарам юкъебаккхара хьал, российски товар арахецарашта бокъонах йоагӏаш йола таро еннаяц.
УФАСа говзанчаша лорий урхалленна дӏайовзийтар юкъе нийсденна кхоачамбоацараш дӏадахара йола моттигаш. Цул совгӏа, бехкебараш административни бехктокхаме озаргба.
