ГӀалгӀайче гучадаьннад наггахьа мара хулаш доаца даьшкара тӀехьенга доала лазар
Синдром Роджерса- иштта оал лораша наггахьа мара нийслуш доацача ший цӀех болча нахах овла боаллаш долча лазарах, из дунен тӀа 200-зза хиннад аьнна белгалдаьд. Берригача наьха дукхалга хьежача, ГӀалгӀайче геттара зӀамига хиларга диллача, цхьаккха хӀаманца нийслуш дац цу 200 сагах 10 саг, республикан унахцӀенон Министерствос яхачох, ГӀалгӀай мехкара хилар.
Из лазар хилара бахьан да витамин В1 цатоъаш хилар, из хьахьовш да дуккхача лазарашца: шекар лакха хиларца, мегалобластни анемияца, нейросенсорни лергашта хӀама ца хазарца. Цул совгӀа, могашал йоацарашта хила йиш я дега лазар, кардиомиопатия, дегӀ ца дахьаш висар, хӀама гуш йола нерв дӀайовр.
Цунна дарба дара эггара дикагӀдар да, ше мел вах дукха тиамин оала молха дегӀаца хургйолаш дарба леладар, цо лазар, геттара хьахьовргдоацаш, дужаду, шекар лакхдалар юхатох.
Рогачевски центро цу тайпарча наха дарба дара хьалаш техкад, ГӀалгӀайчен лораша дика гучадоах уж лазараш, нах дӀахьежабу дарба де.
2023 шера денз, Россе яьржа неонатальни скринингаш, гаргарча нахагара цӀийца хьадоалаш дола 36 тайпара лазараш дий хьожаш ю уж, цар таро лу уж лазараш гучадаха юххьанца дӀадолалуш долча хана», - аьлар «Сердало» газетага ГӀалгӀайчен унахцӀенон Министерстве.
