Гӏалгӏай мехка хьалхарча дийнахьа кхадж тасса баьхка нах 33,04% бар
Хьалхарча ден чаккхе еш, ала йиш я, Гӏалгӏай мехка кхадж тессар 33,04% болча хоржамхоша. Республикан бахархой дика дакъа лоацаш хилар; Россе Паччахьалкхен Думан, республикан Халкъа Гуллама депутаташ хоржача.
Хьалхарча дено хьагойтар республикан бахархой кхадж тоссача дика дакъа лоацаш хилар. Республикански хоржамий комиссе яхачох, 258645 сагах кхадж тессараш вар 85737 саг.
Электронни оагӏон тӏа кхадж тессар хьалхарча дийнахьа республикан столицерча Магасерча, Шолжерча, лоаман Жӏайрахьарча кхален бахархоша.
Цу тайпара дӏахьош болча балха гуш да, бахархошта хоржамаш мел лоархӏаме да.
Еррига бокъонаш лораеш, хоржамаш дӏадихьар республикан 142 хоржамий даькъ тӏа. Наха дика хьалаш вӏашагӏдехкадар, цу юкъе къоаной таро хилар шоай цӏагӏа болаш кхадж тасса. Хьалхарча дерригача дийнахьа цхьаккха кхоачамбоацар нийсдаланзар. Тӏахьожама болх дӏахьош вар 140 саг. Уж хьожабаьбар Гӏалгӏайчен Юкъарлон палато. Хоржамаш дӏадолалуш, хьалххе а ӏомабир хоржамий бокъонаш лораергйола, из болх нийса дӏахьоргбола нах.
Гӏалгӏайчен Кулгалхочо Келаматанаькъан Махьмуд-|аьлас республикан бахархошта баркал аьлар, цар иштта цхьоагӏонца хьалхара ди дӏадахьарах.
Кхаь дийнахьа кхадж тоссаш, болх дӏахо дӏахьош ба.
