Эскаре болхараш накъабаьхар къонача эскархоша
30.11.2023 11:41
Мурманск яхача шахьаре амал де хьожабаь эскархой накъабаьхар республикерча къонача эскархоша. БоаггӀача боараме шоай декхараш текха; могаш, маьрша болаш шоай цӀенах кхета даькъалабийцар цар уж. Из хоам «Сердало» газетага бир «Къоначар эскар» яхача берий-кагирхой моттига зарбан болхлоша.
«Цхьа бутт баьлча дӀадоалача шера тӀеххьара эскархой бар накъабаьхараш. Шоай декхараш дизза кхоачашдаь, шоашта тӀехьа сийрда, хоза лар йита, мехка бовла даькъалабийцар Мурманске амал де болхараш къонача эскархоша. Дог ураоттадергдола байташ ешаш, накъабаьхар цар вай кагирхой. Ӏаьлий-Юртарча гимназера къона эскархой бар цига гулбеннараш», - йоах тхогарча хоамо.
