Кредиташца куташ лелаярах, 31 шу даьнна мехкахо суде кхаьчай
Кредиташца боккха тийшаболх кхостабаь Шолжа-Шахьарера 31 шу даьнна яхархо, бехктокхаме озаш я тахан мехка. Кхален прокуратуро, ший болх дӏабихьа, дӏахо кхел къоастае судага дӏаденнад из гӏулакх. РФ УК 3-ча даькъа 159.1 ст. бехктокхаме озаргья из саг.
«Тохкамхоша белгалдечох, 2024-ча шера маьцхали бетта, московски «прописк» йолаш, лакха алапи хьатӏадоагӏаш я ше, аьнна, доацар оттадеш; мобильни оагӏонга гӏолла банкера 1,6 млн сом кредит ийцад цо. Бакъда, из ахча юхадала лаьрхӏа хиннаяц из юххьанца денз. Арбитражни судага гӏолла, ше къеялар оттадаьд цо (банкрот). 2026-ча шера, къеялар бахьан долаш кредит дӏатакха ца дезаш оттаяьй из.
Хӏаьта банкера хьаийца кредит ший дега ма тов дехкад тийшача белхаца паргӏатаяла лаьрхӏа хинначо», - йоах «Сердалога» прокуратурера бенача хоамо.
Шолжа кхален суде кхел къоастаеш ба тахан цу гӏулакха.
