Гӏалгӏай мехка зулам леладу полицейски лаьцар
Гӏалгӏай Республике гӏолла йолча МВД, иштта моттигерча УФСБ болхлоша гучадаьккхар полице болхло харцахьара гӏулакх леладеш волга, яхаш, дийцар «Сердало» газетага республикан бокъонаш лораераша.
«Гӏалгӏай Республике гӏолла йолча МВД СБ ОРЧ болхлоша, Гӏалгӏай Республике гӏолла йолча Россе УФСБ болхлошца цхьана, хьалаьцар зулам даь хилара юкъевоагӏаш а, цунца вувзавенна моттигера шиъ вахархо къайлакхухьаш а вола Наьсарен - Шахьаре гӏолла йолча Россе ОМВД полице эпсар», - аьлар МВД хоамо.
Гӏалгӏай Республике гӏолла йолча РФ СК тохкама урхаллено цу сага духьала РФ Уголовни кодекса 290 статьях дола (кхаъ эцар) гӏулакх хьадийллар.
Нагахьа санна из бехке хилар чӏоагӏдеш хуле, из дӏавоаккхаргва чурча гӏулакхашкара, законо дӏадехача тайпара бехк а бергба цунна.
