Наркотикаш йоаржаеш хила тарлу саг дIалаьцар мехка
Наркотикаш яха «дохьаж» наха юкъе доаржадеча зуламхоех хила тарлуш вола саг дIалаьцар Iаьдало Дошлакъий-Юрта. Ше лоацаш хиннача Iаьдала духьале еш, «Лада Гранта» яхача машинаца къайлавала лаьрхIа, ши полицейски лозаваьв цо.
«07.02.2011 № 3‑ФЗ Федеральни бокъонца оттадаьр хьаллоацаш, 3-ча даькъа 20-ча ст. 3-ча даькъа 21-ча ст. низагIа кулгех гIабаш теха, Iочувига везаш хилар, корзагIваьнна, духьале еш хиннар. Лозаваь хинна полице ши болхло дарбанче баха хилар шоай хьал тахка.
РФ УК 228.1 ст. (бокъо йоацаш наркотически лоархIаш йола хIамаш лелаяр, йоаржаяр, дIа-хьа кхахьар), иштта 318 ст. (полице болхлошта духьале яр, лозабар) бехктокхаме озаргва из саг», - йоах «Сердалога» МВД болхлошкара бенача хоамо.
Россе цу оагIонцарча бокъоно дIадеххача тайпара, бехктокхаме озаргба полице болхлошта духьале еш, царна хIама теха бола нах.
