Саг ве гӏийрта кхо мехкахо дӏалаьцар ӏаьдало
31.07.2026 09:01
Саг ве гӏийртача кхаь мехкахочун лараш лаха аьттув хилар мехкарча МВД, ФСБ, Тохкама комитета болхлой. «Сердалога» из хоам бера Россе республикерча МВД зарбан болх лелаберашкара.
«2025-ча шера саькура бетта 15-ча дийнахьа Шолжа-Шахьарерча «Терасса» яхача ресторана юхе 41 шу даьннача мехкахочун ворох 9 мм калибр йола тепча техай цар ворхӏазза. Цхьацца бахьанех, шоаш лаьрхӏар кхоачашдеш, из саг ве аьттув баьннабац цар.
«ВАЗ-21114» машинаца къайлалийлхаб зуламхой цигара. Лозаваьр цу сахьате дарбанче ӏочувигав наха, хӏаьта зуламхоша, шоаш даьча хӏаман лар йоае аьнна, Яндаре-Сурхотӏе яхача наькъ тӏа шоашка цига хиннача машинах цӏи техай», - дийцар тха газетага.
Тахан беррига зуламхой ӏаьдало дӏалаьцаб. Саг ве гӏортарах бехктокхаме озаргба уж.
