Дукхаза гӏалатвийна водитель дӏалаьцар ГИБДД болхлоша
Массехказа бокъонаш телхаеш гӏалатвийна мехкахо дӏалаьцар Эбарга-Юртарча полици болхлоша. ГИБДД болхлошта гучадаьлар из корта бохабеча маларах волга, цу тайпара хӏама бахьан долаш хьалхагӏа машина каьхаташ дӏадаьха из хиннилга а. Дӏахо кхы а кӏоаргагӏа… Цун машинах йоахкараш харцахьа номераш хиннай; цул совгӏа, массехк шу да ӏаьдало из саг лохаш вола.
«Мехкахо бехктокхаме эзар ӏаьдала бокъоно дӏадеххача тайпара, машина хӏама чӏоагӏдаь цалаттарах (РФ КоАП 1-ча даькъа 12.1 ст.), харцахьа номераш ехка машин хехкаш леларах (РФ КоАП 4-ча даькъа 12.2 ст.), машина ко лаца бокъо йийхка ше воллашехь, машинаца араваьнна леларах (РФ КоАП 2-ча даькъа 12.7 ст.), ОСАГО йоацаш машин хехкарах (РФ КоАП 2-ча даькъа 12.37 ст.).
Карарча хана ӏаьдало ӏочувигав бӏарчча «морхӏ» гӏалаташ ӏоадаь лийннар, цун машин а Россе МВД «Шолжа кхала» яхача МО оагӏон болхлоша ӏочуйигай», - дийцар «Сердалога» цу моттигера. Теша лов, бокъонаш лораяра гӏулакха кулг тесса, башха ца хеташ лийначо, дикка уйла яь, ший никъ харцахьа болга кхетадергхиларах.
