Гӏалгӏай мехка хьалаьцар паччахьалкхенна тийшаболх лелабеш вола 26 шу даьнна моттигера вахархо
Гӏалгӏай мехкарча Россе ФСБ болхлоша, моттигерча 26 шу даьннача вахархочо лелабеш бола паччахьалкхенна духьалара никъ юхатехар. Цу сага кхыча паччахьалкхенна новкъостал деш хиннад, РФ кхерамзле йоаеш.
«2026 шера Гӏалгӏай Республике волаш, «Telegram» оагӏонга гӏолла из бувзаме ваьлар Украинерча МО ГУР викалашца. Цул тӏехьагӏа, цар тӏадиллача декхарах, шийна ахча луш хиларах, цо РФ доазон тӏа Магас-Шахьаре латтача терминалашка украина колл-центраша лелаеш йолча абонента (сим-бокса) трафик болх беш хургйолаш ӏалашо йир, из да тийшаболх лелабар, харцон наькъ тӏа валар, паччахьалкхен духьала зулам дар. Магаса кхален судо лаьрхӏар из саг шин бетта чуволла», - аьлар «Сердало» газетага Гӏалгӏайчен УФСБ.
Карарча хана лаьрххӏа бола болхлой хьожаш ба кхыдола харц гӏулакхаш цо леладаьдий а; цо, зуламаш деш, кхы дӏахо хьанца бувзам лелабаьб а.
