Гӏалгӏайче хьалаьцар террористашта ахча дӏакхухьийташ вола моттигера вахархо
02.07.2026 16:26
Гӏалгӏай Республике гӏолла йолча Россе СК тохкама урхаллен Шолжа кхален тохкама даькъе уголовни гӏулакх хьадийллар моттигерча 27 шу даьннача вахархочунна духьала. Из бехке ву терроризма ахча лоаттадеш хиларах РФ УК д. 1.1 статья 205.1. Из гӏулакх хьаделлара бахьан да, УФСБ республикан болхлоша гул а даь дӏаденна хоамаш.
«Тохкамхоша яхачох, 2024 шера тушола бетта, республикан доазон тӏа волаш, халкъашта юкъерча терроризман викалашта новкъостал де цо ахча дӏадахьийтар, царна эшача гӏулакхашта ахча гулдеш волча сага», - аьлар «Сердало» газетага Гӏалгӏайчен тохкама комитете.
Карарча хана тохкамхоша цунца цхьацца бола процессуальный болх дӏахьош ба. Из хьалаьцав, кастлуш цунга из бехке хилар лаьрххӏа дӏакхайкадергда.
