Бокъо йоацаш хьу тийда моттиг гучаяьккхар
02.12.2024 11:52
Шолжа кхале хьун боахама болхлоша гучаяьхар, хьу тийда хинна моттигаш. Цул совгӀа, тӀехьа прицеп а йолаш, тийда хинна хьу тӀайолаш трактор а корайир, яхаш, дийцар «Сердало» газетага ГӀалгӀай Республикан Ӏалама Министерствос.
«Карарча хана, тохкаш да цу трактора да а, бокъонаш телхаеш из хьу тийдар а малав. Цига даь йоазош, оттадаь каьхаташ дӀадахьийтад бокъонаш лораерашка, цу гӀулакха бехкевар жоп дала дезаш хургва», - аьлар Ӏалам лорадераша.
