Наьна мотт лорабарах йола проект я мехка дӏайолаеш
Гӏо деш йолча «Исхан» ганзаца оаз дӏаязъяра, «Фаьлг» яхача студе проект йоаржаяра тӏехьа доккха дакъа дӏалоацаш я тахан мехкара къаман библиотека. Культураца дувзаденнарех йолча Президентски ганза грантаца хьаллоацаш болх ба из тахан.
«Проекта керттера декхар да гӏалгӏай мотт лорабара тӏехьа къахьегар. Гӏалгӏай халкъа, иштта авторски фаьлгаш дӏаяздеш хургба цига. Кагирхой цхьанкхетарий Цӏагӏа дӏайихьар проект йовзийташ йола кхетаче.
Къаман библиотекан «Тӏакхоачачара доазонаш» яхача оагӏон хьалха латтача Саганаькъан Адама библиотека кулгалхошкара доккха баркал аьлар проекта тоабанна, из болх боаржабарах, гӏалгӏай метта хӏама эшацадалийтара тӏехьа къахьегарах», - дийцар «Сердалога» Къаман библиотеке.
Цу проектаца къахьега юкъебоалабергба цу оагӏонцара говзанчаш, филологаш – наьна мотт шаьра ховш бараш. Белгалде деза, вай кхувш латтача къонача тӏехьенна из проект боккха пайда беш хургйолга. Наьна меттацара хӏама тоадара, доаржадара тӏехьа чӏоагӏа лоархӏаме болх ба из.
