Гӏалгӏайче дӏайолайир «Турпалхочун никъ» яхача программан йиълагӏа кеп
Гӏалгӏайче дӏайолайир «Турпалхочун Никъ» яхача программан йиълагӏа кеп. Из лаьрхӏа я тӏема операце доакъашхой паччахьалкхен балхаш леладе ӏомабара, уж хьалха шоай хиннача вахара хьалашка бахара, яхаш, дийцар «Сердало» газетага республикан Кулгалхочун зарбан болх лелабераша.
Программо теоретически хьаькъал лу, из эшаш да ӏаьдала моттигашка болх бе хара. Цо хьагойт хоадам бола толамаш. Деша баьгӏа нах цу даькъ тӏа хьабаьхкача, шоай болх дӏабахьа ховш хул бехктокхаме.
Масала, республикан кулгалхочо Келаматанаькъан Махьмуд-Ӏаьлас белгалдир, Хьаьшанаькъан Ӏалихан Гӏалгӏайчен арахьарча бувзама, къаман политикан, зарбан, хоамий министра гӏонча харжа хилар; иштта Лоаман кадетий корпуса кулгалхочун дарже хержар Къоастой Ваха. Хӏанзарча кепа дакъа чакхдаьлча, доакъашхой шоашта фу хов гойта дезаш ба тӏеххьара аттестаци йолаш, цунга хьежжа уж кийчбергба кулгал дара балхаш дӏадахьа.
«Къаьстта белгалде безам ба, цу тайпара болх дӏахьош хилар Россе Президента Путин Владимира белгалъяь программа кхоачашъеш хиларца дувзаденнилга. Цо могаду СВО доакъашхоех моттигий кулгалхой кийчбар. СВО доакъашхошта моллагӏа этта чоалхане хьал юстардаккха хов, царна хов балха говзал вахара юкъеяккха.
Паччахьалкхен, доал деча доакъош тӏара болх дӏахьоча эшар да бехктокхаме, шоашта хьалхашка оттаду декхараш довзаш хилар, къаьстта уж дешаш кхоачашдара лаьрхӏа я «Турпалхочун никъ» яха программа», - аьлар Макшарипа Махьмуд-Ӏаьлас.
