Къаман библиотека цӏенхаштта тоаяь йоалаш латт
Янданаькъан Джамалдий цӏерах йолча къаман библиотекан хьал меттадоаладеш дола балхаш чакхдаьннарг лархӏа мегаргдолаш да тахан. Залаш дийнлуш латт, шоай болх дӏабахьа кийчо еш ба цига. Книжкаш, лоархӏаме каьхаташ шо-шоай улгаш тӏа дӏаоттадеш болх ба цига дӏабодаш, хӏаьта библиографаш тӏахьожаш ба цхьаккха каьхат довргдоацаш.
««Дезал» яхача къаман проекта «Дезалера лоархӏамедараш, культураца дувзаденнараш» яхача федеральни проектага гӏолла 2025-ча шера дӏаболабаь боккха болх ба из. Тӏера тхов, кораш хувцаш, пенаш тоадеш къахьийгад цига. Тахан 90 %-га кхоачаш йистебаьннаб болх. Библиотеке эшаш мел дар ӏалашдеш, цу чура кхоачам боаггӏача боараме лорабара болх дикка тоабеш, къахьийгад цига. Белгалде деза, керда хувцамаш цига лоархӏаме долга», - «Сердалога» из хоам бера мехкарча Паччахьалкхера.
Таханарча ханага хьежжа болх дӏахобахьа аьттув хургба библиотекан. Из хьайийллачул тӏехьагӏа, наггахьа мара нийслуш доацача книжкашца болх бе аьттув хиларал совгӏа, таьрахьашца дувзаденнарашка гӏолла, интернет-оагӏонга гӏолла къахьега йиш хургья библиотеке ухарий.
Доккхий хувцамаш дӏадихьача библиотеко укх шерарча гурахьа хьелларгья ший наӏараш, хьалхара хьаьший тӏаэцаш.
