Илдарха-Гӏала - Яндаре оала никъ тоабара хьалхара аргӏа чакхъяьлар
25.11.2025 16:01
Чакхдаьлар юкъара 12 км болча машина наькъа 8 километр тоаяра балха хьалхара дакъа. Цу наькъо шоайла ювзаю Шолжа кхален Илдарха-Гӏала, Наьсарен кхален Яндаре.
Наьсарен кхален администраце яхачох, никъ тоабара чудоагӏаш, бӀарчча наькъа оаса ӏобиллаб, такилгаш даьхкад, гонахьара картаца чулаьцаб никъ, наькъа оасаш дахийтад, хьалъяьй пхиъ остановка.
Хоам бу, юхейиса наькъа йиъ километр йистейоаккхаргья, керда шу дӏадолалуш.
Наькъа балхаш дӏахьош да, «Вахара хьалаш» яхача къаман проекта чудоагӏаш.
