Прегабалин йохкаш хиннача сага гӏулакх суде кхаьчад
07.09.2026 21:36
34 шу даьннача мехкахочун гӏулакх тохкаш хилар Наьсарерча Прокуратуре. РФ УК 1-ча даькъа 234 ст. бехктокхаме озаш ва из саг; бакъо йоаца, дегӏа зе деш йола хӏама йохкарах.
«Сердалога» из хоам бера мехкарча Прокуратурера. Тохкама оагӏон болхлоша гучадаьккхачох, 2025-ча шера тов бетта Эккажкъонгий-Юрта 1,56 гр. йола «Лирика» (прегабалин) ехкай цо.
Из «дохьаж» эцаш хиннар ӏаьдало лаьрххӏа оттаваь саг хиннав, 5 эзар сом мах бола базар из тӏахьожаш дӏайихьай. Наьсарен кхален суде дӏахо тохкаш да из гӏулакх карарча хана, уж ба зуламхочун кхел ергьяраш.
