Гӏалгӏай мехка чакхбаьккхар интернете нацизм бакъъеш хиларца дувзаденна гӏулакх тахкар
Гӏалгӏай Республике гӏолла йолча СКР Наьсарен кхален юкъерча даькъа тохкамхоша чакхбаьккхар, Долакха-Юрта вахача 31 шу даьннача сага духьалара уголовни гӏулакх тохкаш хинна болх. Из бехке ву РФ УК 2 д. 354.1 ст. «в» пунктах (интернете гӏолла нацизм бакъъяр).
«Тохкамхочо яхачох, 2025 шера маьцхали бетта, цу сага ше вахача моттиге, Наьсарен кхален Долакха-Юрта волаш, Германе фашисташ кхыча къамашта духьала лоаттаяь къизал хьаллоацаш, бувзама оагӏонашка гӏолла ший уйлаш язъяьй. Цо мел яздаьр моастагӏчо тӏабена тӏом а, адамга ена къизал а бакъъеш хиларал совгӏа, фашизм дерригача дуненна хьалхашка хьаллоацаш да», - аьлар «Сердало» газетага Гӏалгӏайчен тохкама комитете.
Тохкама болхлоша из иштта хилара тешал деш дола каьхаташ кийчдир, уж дӏаделар судага, дӏахо тахкара.
