Шолж цӀендара балхаш йистедаьннад
«ЦӀена хиш лорадар», «Экологи» яха паччахьалкхен программаш кхоачашъеш, республике дика йистедаьхар Магаса доазон тӀагӀолла Ӏододаш дола Шолжа хий цӀендара балхаш, хаш, дийцар «Сердало» газетага ГӀалгӀай Республикан Ӏалама Министерствос.
Укх шин шера дукха балхаш даьд цига, Шолжа хий цӀендеш, Ӏалам лорадераша кулгал а деш. Карарча хана, цар яхачох 4,6 км йӀаьха йола моттиг цӀенъяьй, цигара 576,4 эзар кубометр хин кӀийле цӀенъеш, гӀоа дӀайихьай.
«ТӀехьарча шерашка доккхий догӀаш латташ хиларах, цу хиво кхертӀой къайладаьхадар, цигара хин берадаш а бӀехденнадар.
Хий цӀендеш бола болх шин даькъа бийкъа дӀахьош бар. Хьалхарча даькъе 1,3 километр йӀаьха йола хин оагӀув цӀенйир, хӀаьта хин кӀалхара хьалъяьккхар 124 эзар кубометр совгӀа колд.
ШоллагӀча аргӀагӀа бешш хинна болх дӀаболабаьбар 2024 шера, йиллача ханал хьалхагӀа йисте а баьккхар из.
Цига уж балхаш дӀадахьарах, хий кӀоаргагӀа хилар, цул совгӀа цӀенагӀа а, бӀехал йоацаш, паргӀатагӀа а хилар.
Цул совгӀа, бахархошта а цӀена фо хилийта таро хилар цига.Баьча балха керттера бахьан дар, Шолжа хий экологически цӀена хилийтар, из декхар кхоачаш а дир», - аьлар ГӀалгӀайчен Ӏалама Министерствос.
