Хьажол де кийчлу болх чакхбаьккхар вай мехка
Хьажол тӏерадаккхара гӏулакхага кийчо еш хилар вай мехка. Цу балхах йолча комитета викалаша тхога баьча хоамах, укх шера вай мехкара хьажол де гӏоргвараш 1392 саг ва, лоалаха ядача моттигашкара бахархой болаш.
Цу наькъага кийчлур ООО «ИНГ ХАДЖ» компани я. Деррига хӏама боаггӏача боараме кийчдаь латташ да тахан. 8 рейс ергйолаш, Centrum Aӏr компанеца дӏачӏоагӏдаь латт.
Магас аэропортера Мадинате укх бетта 13-ча денгара 18-ча денга кхаччалца хургда, хӏаьта цӏакхачар – аьтинга бетта 3-8-ча деношка. Хӏара рейсаца лор хургва, иштта моллагӏа хаттар тӏадахьа йиш йолаш нах ба хьалхалаттараш.
Керттерча маьждига юхерча отелашка совцаргба нах Мадинате ӏокхаьчача, Макка – езача моттигашка гӏаш дӏабаха йиш хургьйолча гостиницашка. Берригача доакъашхой каьхаташ кийча да тахан.
