Гӏалгӏай мехка чакхдаьлар айлама Кӏиранна хетадаь хӏама довзара вӏашагӏкхетараш
Гӏалгӏай мехка чакхъяьлар хӏама довзара кхетаченаш, космосе саг ваха 65 шу дузаш хилара хетаяь яр уж. Тематически Кӏира дӏадахьара чудоагӏаш, «Дешар» яхача Российски юкъарлон космоса Кӏира дӏадихьар моттигерча 13 ишколе, цу юкъе дакъа лоацаш хилар 600 дешархо. Болам дика вӏашагӏбеллабар мехка «Бералла наькъаш» яхача проекта даькъаца бувзам а болаш, из иштта хьаллаьцар республикан дешара, ӏилман Министерствос.
«Тахан тха декхар - Гагарин Юрех бола дагалоаттам дийна хилийтар. «Дешар» яхача лекце къаьгга гуш хилар бераш ладувгӏа кийча долга, цар а шоай хаттараш дар кийчдаь.
Вайна гуш да тахана ӏилма гаргагӏа довзаш хургдолаш йола кхетаченаш дукхагӏа эшаш йолга. Таханара ладувгӏаш бараш - уж хургбола инженераш, конструктораш, тохкамхой ба, цар дӏахохьоргда Даьхен космонавтикан гӏулакх», - аьлар «Сердало» газетага моттигерча дешара, ӏилман Министерствон къаман даькъа кулгалхочо Вешкаранаькъан Хизара. Кхетаче дӏахьош, кердадаьккхар Гагарин Юрех исторически даькъ тӏа берашта ховр, иштта царна довзийтар российски ракетно-космически истори. Из кийчдаьдар лекци дӏахьош хиннараша.
Гӏалгӏайче космоса Кӏира дӏадахьар лоархӏаме да, кхувш йоагӏача тӏехьенна Даьхенцара безам совбоаккхаш кхетам балара, республикан дешархой кердадараш довзара тӏехьа хилийтара, космонавтика ӏомаяра.
