Гӏалгӏай мехка чакхдаьлар парламента хоржамаш дола шоллагӏа ди
Гӏалгӏайче чакхдоалаш да Россе паччахьалкхен Думан, республикан Халкъа Гуллама депутаташ хоржаш дола шоллагӏа ди. Хоржамий доакъош дӏакъайлар? 20:00 сахьат даьлча. Республикан Избиркоме «Сердало» газетага ма аллара, тов бетта 19-ча дийнахьа, 20:00 сахьат доалаш 61,05% нах хьабаьхкар. Хьалхарча дийнахьа шоай бахархой декхар кхоачашдир 33% харжархоша.
Бӏарчча дийнахьа Гӏалгӏайчен 142 хоржамаш ду моттиг болх беш хилар. Цига кхерамзле йолаш кхадж тассара эшаш мел дола хьалаш вӏашагӏдехкар. Кхадж тасса хьабахка ца могаш болча наха таро елар, цӏагӏа хоржамашка дакъа лаца. Кхадж тассара болх лакхача боарам тӏа дӏабихьар. Тӏахьожаш хилар юкъарлон болхлой. Кхоачамбоацар нийсденна моттиг яц. Хоржамаш республике дӏахьоргда цхьаькха цхьан дийнахьа. Кхоана, тов бетта 20-ча дийнахьа, тӏеххьара ди да. Хоржамий доакъоша шоай наӏараш хьаелларгья, ӏуйрийна 8:00 сахьат даьлча.
