«Дехар ду массаболча бахархошка, зехьа хий Ӏо ма ахийта, хий Ӏоухийташ йола моттигаш тоае, хин турбашкара хьал довзаш хила. ДагадоагӀаш хила, хий - из мах бола хӀама да, из лерхӀамца леладе дезаш да, хий ца хилча цхьаккха а вахар хургдоацилга кхета а деш. Массане а цхьана этта, Ӏалашо е вай молаш дола цӀена хий вай кхаленна хургдолаш», - цу тайпара кхайкарал дир Шолжа кхален администраце ший бахархошка.

Из хьаллоацаргда кхетам болча сага, духхьала бӀаьстан-ахкан ханашка лаьца а ца Ӏеш. Бакъда, хала хете а, вай мехка дукха ба сакхетам боацараш, цар шоай коа йоалла хий хьаийду моттиг а дӀаьхача Ӏанна тоа ца еш, хий хьаухаш лоттаю, Дала деза лаьрхӀа хий зехьа доадеш.