Ахча лочкъадаьр бехктокхаме озаргва ӏаьдало
23.03.2026 09:30
Хӏама йохкача моттиге ахча лочкъадаьр гучаваьккхар Магӏалбика кхале. Из хоам «Сердалога» бир МВД.
Полице «Магӏалбикерча» МО болхлой болча латкъа енача кхалсага дийцар, шахьарерча «Изобилие» яхача базара юкъерча сомаш, хаьсаш дохкача ший тика чура 110 эзар сом ахча дихьад, аьнна», - йоах ӏаьдалгара бенача хоамо. Сиха оарцагӏбаьннача полице болхлоша гучадаьккхар, ахча дихьар цун ший воӏ волга.
Белгалде деза, из саг массехказа ӏаьдало бехктокхаме эза хиннилга наркотикаш, иштта кхыйола сакхетам тувлбу хӏамаш бахьан долаш. Дӏалоацача хана ӏаьдала духьале е хьежар из, бакъда полице болхлоша сиха соцавир. ӏаьдала болхлошта духьале ярах, наркотикашца бувзам хиларах, бехктокхаме озаргва зуламхо боаггӏача боараме.
