Россе унахцӀенон университета НМИЦ викалаш кхаьчаб вай мехка
24.05.2024 10:09
Россе унахцӀенон университета (НМИЦ ФГБОУ ВО) царгашта дарба деча оагӀон викалаш кхаьчаб вай республике.
Из хоам «Сердалога» бир унахцӀенон гӀулакхах йолча Министерствос. Вайцигарча болхлошца кхетаче дӀайихьар хьаьшаша. Цига дийцар, республике тахан латтача царгашта дарба дарца дувзаденнача кхоачамбоацарех, уж юстардахарах.
«Республикерча царгашта дарба деча поликлинике баха, цигара хьал ма дарра тохкаш хилар федеральни моттигера кхаьча хьаьший», - белгалдир министерствос.
